Ак эмгектен алган сыйлык кут болсун!

Мамлекеттин көз карандысыз күнүнө карата Президент Сооронбай Жээнбековдун жарлыгы менен «Кыргыз Республикасынын эмгек сиңирген мугалими» ардактуу наамы  саналуу адамдарга гана берилди. Алардын катарын гимназиянын директору Атаева Сайрагул Токтосуновна да толуктады. Ал бул мамлекеттик сыйлыкка билим тармагындагы көп жылдык ак эмгеги, гимназиянын  ар тараптуу өнүгүүсүнө кошкон чоң салымдары үчүн татыктуу болду.

Сиз бул наамга татыктуусуз. Гимназиянын гана ишине эмес,  жалпы билим тармагында,  мугалимдерге жана өсүп келе жаткан жаш муундарга   колдоо көрсөтүп, алар үчүн жасап жаткан иштериңиз нар көтөргүс. Ошону менен бирге ардактуу,  эң мыкты мугалимсиз. Окуткан окуучуларыңыз жөн жерден дүйнөнү багындырбаган чыгар. Анткени алардын билим сапарынын уланышына дем –күч, шык берип, билим чыйырын салып келе жатасыз.  Ал эми мугалимдердин педагогдук кесипке болгон сүйүүсүнө шыктандырып,  асыл баалуулуктарга эгедер кылып келүүдөсүз.

Дагы бир сыймыктанарлык  иш катары окуучулардын руханий жана интеллектуалдык потенциалын өнүктүрүүдө миңдеген ооз комузчуларды, комузчуларды, манасчыларды  райондук, шаардык ,  республикалык иш-чараларга тартуу иши да мактоого татырлык.

Ак  эмгектен баар тапкан  жогорку сыйлыгыңыз куттуу болсун,  ден соолукта болуп , элиңиз үчүн, билим тармагы үчүн дагы да талыкпай эмгектенип, Ала-Тоодой бийиктиктерди багындыра бериңиз демекчи сыймыктануу менен гимназия жамааты.