Ата-энелер менен биргеликте иш-чара

2023- жылдын 11- мартында Т. Сатылганов атындагы №69 окуу- тарбия комплекс-гимназиясында 6- класстар арасында достукту, ынтымакты бекемдөө, сергек жашоо мүнөзүн калыптандыруу, ата-энелер менен болгон байланышты арттыруу максатында «Атам, апам жана мен» деген темада спорттук мелдеш болуп өттү. Спорттук мелдешке ар бир класстан бирден окуучу ата-энеси менен катышты. Калыстар тобуна ата- энелер комитетинин төрайымы Абдымамутова Жийдекан Асанбековна, АЧД мугалими Абдылдаев Иман Бойтоевич, дене тарбия мугалимдери Абдыкалыков Төлөн агай менен Акматкулова Акмарал эжелер чакырылган.
Мелдешти дене тарбия мугалимдери Качкынов Адилет агай менен Нурдинов Валижон агай алып барышты. Катышуучулар мелдешке жогорку деңгээлде катышып, даярдыктарын көрсөтө алышты. Жыйынтыгында 6-е классынын «Ынтымак» командасы 1- орунга, 6- д классынын «Биримдик» командасы 2- орунга, 6- а классынын «Алга» командасы 3- орунга ээ болушуп, грамота, медаль, белектер тапшырылды. Калган командаларга дагы активдүү катышканы үчүн грамота, белектер берилди. Ар бир ата- эне класс жетекчилерге ыраазычылыгын билдирип, кубаныч менен кайтышты. Мелдешти уюштуруп, ата- энелер менен иш алып барган 6- класстын класс жетекчилерине ыраазычылык билдирип, иштерине ийгиликтерди каалайбыз!!!