“АК КАЙЫҢ” БАКЧАСЫ
“Туруктуу мектептерди глобалдык издөө” демилгесинин алкагында мектептин айланасындагы бош аянтчаларга жашылдардыруу иштери жүргүзүлүүдө. Ушул жагдайда 27-март 2021-жылы Т.Сатылганов атындагы №69 окуу-тарбия комплекс-гимназиясында “Ак кайың” бакчасы уюштурулду. “Ак кайың бакчасына демөөрчү “НУР” телеком тарабынан 90, ата-энелер тарабынан 45 , жалпы 135 ак кайың көчөттөрү отургузулду. Иш чара майрамдык маанайда “НУР” телекомдун кызматкерлери, мектептин ата-энелери, мугалимдери менен чогуу бак-дарактар отургузулду.
“ ТУРУКТУУ МЕКТЕПТЕРДИ ГЛОБАЛДЫК ИЗДӨӨ” ДЕМИЛГЕСИНИН ЖЕҢҮҮЧҮ – МЕКТЕПТЕРИНИН ИШМЕРДҮҮЛҮГҮНҮН ОТЧЕТТУК СЕМИНАРЫ
2020 –жылдын 24- декабрында Т.Сатылганов атындагы № 69 окуу- тарбия комплекс – гимназиясынын базасында « Туруктуу мектептердин тармагын түзүү менен туруктуу жашоо образын глобалдык издөө “ демилгесинин жеңүүчү- мектептеринин ишмердүүлүгүнүн отчеттук семинары болуп өттү.
Демилге азыркы учурда дүйнөнүн 9 өлкөсүндө SLE 10YFP , программасынын концепциясына ылайык жүзөгө ашырылып жаткан Глобалдык экологиялык стратегиялар институту тарабынан ишке ашырууга мүмкүн болду. Демилгени КРнын КТЧКТЧ Мамлекеттик агенттигинин жетекчилиги менен Кыргыз Республикасынын Билим берүү жана илим министрлиги , Кыргыз билим берүү академиясы , билим берүү мекемелери ж .б. менен биргеликте ишке ашууда.
Семинар “ Келечек “ аллеясына карагайларды отургузуу менен башталды. “ Келечек “ аллеясына коноктор жана семинардын катышуучулары Кыргыз Республикасынын Билим берүү жана илим министри Бейшеналиев Алмазбек Бейшеналиевич , мектепке чейинки , мектептик жана мектептен тышкары билим берүү бөлүмүнүн башчысы Усеналиев Марат Жолдошбекович , Кыргыз билим берүү академиясынын вице- президентти Мамбетакунов Уланбек Эсенбекович , Бишкек шаарынын Биринчи май районунун акими Нусувалиев Максат Орозбекович, Бишкек шаарынын Билим берүү башкармалыгынын билимди өнүктүрүү бөлүмүнүн башчысы Акматова Гульмира Каленовна , Биринчи май районунун акиминин орун басары Рысбаева Аида Жолочиевна , Биринчи май райондук Билим берүү борборунун директору Мусаева Рахат Ишенбековна , “ Туруктуу мектептерди глобалдык издөө “ демилгесинин координатору Дуйшенова Жылдыз Кадыркуловна, “ Туруктуу мектептерди глобалдык издөө” демилгесинин билим берүү боюнча адиси Джунушалиева Калиман Кеңешбековна , Түгөл уулу Усупбек атындагы орто мектебинин директору Асылбеков Казыбек Эсенгулович , Буденовка орто мектебинин директору Кайдулатова Миргуль Бейшенбековна , Жунусов Баратай атындагы орто мектебинин директору Ачеков Ислам Амановичтер ийне жалбырактуу көк карагайларды отугузушуп , мектептин “Келечек” аллеясы негизделди. Семинар улантылып, коноктор жана семинардын катышуучуларына Т.Сатылганов атындагы окуу-тарбия комплекс –гимназиясынын “ Туруктуу мектептерди глобалдык издөө “ демилгесинин жана башка долбоорлордун алкагындагы ишмердүүлүгү жөнүндө мектептин директору Атаева Сайрагүл Токтосуновна баяндап берди. Алар “ Ачык асман алдындагы класс “, мектептин оранжереясы , мугалимдердин иштелмелери ,“ Устат шакирт “ долбоорунун фольклордук ансамбли, ооз комузчулар ансамбли , комузчулар ансамблинин аткаруусунда кыргыз элинин чыгармаларын аткарып беришти. Немец жана кытай тилдерин тереңдетип окутуу долбоору жана GIZ “ Кесипке багыт берүү” проектиси алкагында жүргүзүлүп жаткан иштер менен таанышышты.
Келген коноктор жана семинардын катышуучулары тарабынан мектеп жетекчилигине, педагогикалык жамаатка терең ыраазылык билдиришти .
“ КЕЛЕЧЕК » АЛЛЕЯСЫ
Бүгүн 18 – декабрда “Туруктуу мектептерди глобалдык издөө“ демилгесинин алкагында Т.Сатылганов атындагы № 69 окуу- тарбия комплекс- гимназиясынын
11-класстарынын окуучулары мектептин “ Келечек “ аллеясын түптөшүп , ийне жалбырактуу өсүмдүктөрдөн көк карагайларды отургузушту. Окуучулар абдан кызыгуу жана кубануу сезимимде болушту. Бүгүнкү күн мектептин педагогикалык жамаатына, бүтүрүүчүлөрүнө, деги эле мектеп үчүн тарыхта калган күн болду. “Келечек “ аллеясынын жалпы аянты 150 м2 . “ Келечек” аллеясынын келечеги кең бул иш токтоп калбайт , 8,9,10 – класстардын окуучулары улантат.
Мектеп оранжереясы
Оранжереядагы жаңы жашылдандыруу
Бүткүл дүйнө жүзүндө болуп жаткан пандемия учурунда Т.Сатылганов атындагы
№69 окуу-тарбия комплекс-гимназиясында “Глобалдуу туруктуу мектептерди издөө” долбоорунун алкагында иш алып барууда. Эко топтун курамы мектептин оранжереясында жашылдандыруу иштерин улантууда. Жаңы өсүмдүктөрдүн түрлөрү отургузулуп оранжереянын көркү ажайып ачылууда.
Мектептеги мини паркты өнүктүрүү
Паркты жашылдандыруу иштери жыл сайын жүрүп турат. Ар жыл сайын бак –дарактар отургузулуп парктын көркү ачылууда. Быйылкы жылы дагы жаңы бак- дарактардын көчөттөрү отургузулду. Мектептин айланасындагы бош аянттарга жашылдыруу иштери жүргүзүлүп , биздин парктын аянты чоңойууда.
Өсумдук питомниги мектепти жашылдандыруу башаты
Т.Сатылганов атындагы №69 окуу-тарбия комплекс-гимназиясында
“Глобалдуу туруктуу мектептерди издөө” долбоорунун алкагында өсүмдүктөрдүн питомниги уюштурулду.
Питомникте өсүмдүктөрдүн түрлөрүн көбөйтүү максатында гүлдөрдүн, кактустардын, экзотика бактары өндүрүлүп өстүрүлө баштады . Биздин питомниктен өсүмдүктөрдүн түрлөрүн алууга мүмкүнчүлүк түзүлөт.
Жашылча азыктарын өстүрүү аянтчасын уюштуруу
Т.Сатылганов атындагы №69 окуу-тарбия комплекс-гимназиясында
“ Туруктуу мектептерди глобалдык издөө” долбоорунун алкагында мектепте жер жемиштерди өстүрүчү атайын жашылча бакча (огород) уюштурулду.
Бакчада ар түрдүү жашыл азыктарды өстүрө баштадык. Биздин бакчада помидор, бадыраң, кулпунай, ашкабак жана башка жашылчалар ошондой эле жашылча чөптөрү дагы өстүрүлүүдө..
Балдар пайдалуу витаминдер менен азыктануусуна мүмкүнчүлүк түзүлдү. Биздин окуучулар мектептин жашылча бакчасынан алынган жашылча азыктары менен тамактана алышат.
КАНАТТУУЛАРГА УЯ ЖАСОО АКЦИЯСЫ…
“ Туруктуу өнүгүү мектеби глобалдык издөө” долбоорунун алкагында Т.Сатылганов атындагы №69 окуу- тарбия комплекс- гимназиясынын окуучулары канаттууларга уя жасап келүү акциясы өткөрүлүүдө. Акциянын негизги максаты — окуучулардын жаратылышка, канаттууларга болгон мамилесин жакшыртуу, аларга аяр мамиле жасоо.Бул иш-чарага активдүү катышкан окуучуларыбызга аларды жетектеген ата-энелерге, класс жетекчилерине ыраазычылык билдиребиз!
Ураа, табигый суу келди !
Мектептеги бак –дарактарды жана газондорду суугаруу үчүн арыктар казылып иретке келтирилүүдө . Мамлекет тарабынан да суугаруу арыктары оңдөлуп 20 жылдан кийин биздин мектептин
айланасындагы арыктарга суугат суулары агып келди.
Тазалыкка технологиянын заманы менен !
Бардык жерде биз көрсөткөн үлгүдөй ,
Башат болуп таза сакта күзгүдөй.
Таштандыдан дагы ийгилик баштайлы,
Тарых бизди дайым айтып жүргүдөй.
Т.Сатылганов атындагы №69 окуу- тарбия комплекс- гимназиясында “Глобалдуу туруктуу мектептерди издөө” долбоорунун алкагында таштандыларды ирети менен бөлүп таштоо үчүн таштанды челектер орнотулган .Таштанды челектерде (урна) кагаз , желим (пластик ) бутылкаларды өз өзүнчө чогултулуп жатат. Бул таштандыларды кайрадан иштетип чыгаруучу уюмдарга жиберилүүдө.
