Кыргыз-Кытай кызматташтыгынын 30 жылдыгы
2022-жылдын 5-январында Бишкекте Кыргызстан менен Кытайдын ортосундагы дипломатиялык мамилелердин 30 жылдыгына арналган салтанаттуу иш-чара өттү.
Мамлекеттик деңгээлдеги иш-чарага Кыргыз Республикасынын президенти Жапаров Садыр Нургожоевич жана Кытайдын Кыргызстандагы элчиси Ду Дэвэн катышты.
Бул салтанатта өнөрпоздор өз өнөрлөрүн тартуулашты. Залкар өнөрпоздордун арасында Бишкек шаарындагы Т.Сатылганов атындагы №69 окуу-тарбия комплекс-гимназиясынын окуучулары да катышты.
Гимназиянын окуучуларынын аткаруусунда “Өлкө” аттуу хор жана ”Шаосин” бийи тартууланды.
Өздөрүнүн мыкты өнөрлөрүн көрсөткөн гимназиянын окуучуларына , “Хор” ийриминин жетекчиси Маматова Кулбара Казакбаевнага, “Бий” ийриминин жетекчиси Абаева Алина Закирбековнага, ошондой эле кытай тилчи мугалимдер: Н.У. Көчөрбаевага, В.К. Тойгожоевага, Кыдырбек кызы Айкеримге, Т.Ж.Жолдошбековага, Абдыкадыр Таалайкүлгө, Чынтемир кызы Гулбарага ыраазычылык билдиребиз!
Билим менен өнөрүн айкалыштырган азаматтар, гимназия жамааты дагы ийгиликтерди каалайт!!!
Комментарии